บุพพกิจแห่งปวารณา
ปวารณากรณโต/ปุพฺเพ นววิธํ ปุพฺพกิจจํ กาตพฺพํ โหติ/
ตณฺฐานสมฺมชฺชนญฺจ ตตฺถ ปทีปุชฺชลนญฺจ อาสนปญฺญปนญฺจ ปานียปริโภชนี-ยูปฎฺฐปนญฺจ/ ฉนฺทารหานํ ภิกขูนํ ฉนฺทาหรณญฺจ เตสญฺเญว อกตปาวารณานํ ปวารณายปิ/ อาหรณญฺจ อุตุกฺขานญฺจ ภิกฺขุคณนา จ ภิกฺขุนีนโมวาโท จาติ/
ตตฺถ ปุริเมสุ จตูสุ กิจฺเจสุ ปทีปกิจฺจํ อิทานิ สุริยาโลกสฺส อตฺถิตาย นตฺถิ, อปรานิ ตีณิ / ภิกฺขูนํ วตฺตํ ชานนฺเตหิ ภิกฺขุหิปิ กตานิ ปรินิฏฺฐิตานิ โหนฺติ/
ฉนฺทาหรณ ปวารณาอาหรณานิ ปน อิมิสฺสํ อพทฺธสีมายํ หตฺถปาสํ วิชหิตฺวา
นิสินฺนานํ ภิกฺขูนํ อภาวโต นตฺถิ/ อุตุกฺขานํ นาม เอตฺตกํ อติกฺกนฺตํ, เอตฺตกํ
อวสิฏฺฐนฺติ/ เอวํ อุตุอาจิกฺขนํ , อุตูนีธ ปน สาสเน เหมนฺตคิมฺหวสฺสานานํ วเสน ตีณิ โหนติ/ อยํ วสฺสาโนตุ, อิมสฺมิญฺจ อุตุมฺหิ สตฺต จ อุโปสถา เอกา จ ปวารณา/
อิมินา ปกฺเขน เอกา ปวารณา สมฺปตฺตา,/ ปญฺจ อุโปสถา อติกฺกนฺตา, เทฺว
อุโปสถา อวสิฏฺฐา/ อิติ เอวํ สพฺเพหิ อายสฺมนฺเตหิ อุตุกฺขานํ ธาเรตพฺพํ
(เอวํ ภนฺเต)
ภิกฺขุคณนา นาม อิมสฺมึ ปวารณคฺเค ปวารณตฺถาย สนฺนิปติตา ภิกขู
เอตฺตกาติ ภิกฺขุนํ คณนา/ อิมสฺมิมฺปน ปวารณคฺเค ปญฺจ ภิกขู สนฺนิปติตา โหนติ/
อิติ สพฺเพหิ อายสฺมนฺเตหิ ภิกฺขุคณนาปิ ธาเรตพฺพา/ (รับ เอวนิ ภนฺเต)
ภิกฺขุนีนโมวาโท ปน อิทานิ ตาสํ นตฺถิตาย นตฺถิ/ อิติ สกรโณกาสานํ
ปุพฺพกิจฺจานํ กตตฺตา/ นิกฺกรโณกาสานํ ปุพฺพกิจฺจานํ ปกติยา ปรินิฎฺฐิตตฺตา/ เอวนฺตํ นววิธํ ปุพฺพกิจฺจํ ปรินิฏฺฐิตํ โหติ/
นิฏฺฐิเต จ ปุพฺพกิจเจ สเจ โส ทิวโส จาตุทฺทสี ปณฺณรสี สามคฺคีนมญฺญตโร
ยถาชฺช ปวารณา ปณฺณรสี/ ยาวติกา จ ภิกฺขู กมฺมปฺปตฺตา สงฺฆปวารณา รหา ปญฺจ
วา ตโต วา อติเรกา ปกตตฺตา ปาราชิกํ อนาปนฺนา สงฺเฆน วา อนุกฺขิตฺตา/
เต จ โข หตฺถปาสํ อวิชหิตฺตวา เอกสีมายํ ฐิตา/ เตสญฺจ วิกาลโภชนาทิวเสน
วตฺถุสภาคาปตฺติโย เจ น วิชฺชนฺติ/ เตสญฺจ หตฺถปาเส หตฺถปาสโต พหิกรณวเสน
วชฺเชตพฺโพ โกจิ วชฺชนียปุคฺคโล เจ นตฺถิ/ เอวนฺตํ ปวารณากมฺมํ อิเมหิ จตูหิ
ลกฺขเณหิ สงฺคหิตํ ปตฺตกลฺลํ นามโหติ กาตุง ยุตฺตรูปํ/ ปวารณากมฺมสฺส
ปตฺตกลฺลตฺตํ วิทิตฺวา อิทานิ กริยมานา ปวารณา สงฺเฆน อนุมาเนตพฺพา
(รับพร้อมกันว่า สาธุ)
วิธีตั้งญัตติแห่งปวารณา
นโม ตสฺส ภควโต อรหโต สมฺมาสมฺพุทฺธสฺส. (ว่า ๓ จบ)
สุณาตุ เม อาวุโส สงฺโฆ อชฺช ปวารณา ปณฺณรสี ยทิ สงฺฆสฺส ปตฺตกลฺลํ สงฺโฆ เตวาจิกํ ปวาเรยฺย.
คำปวารณาออกพรรษา
สงฺฆัม อาวุโส ปวาเรมิ ทิฏเฐน วา สุเตนวา ปริสงฺกายวา วทนฺตุ มํ อายสฺมนฺโต. อนุกมฺปํ อุปาทาย, ปสฺสนฺโต ปฏิกฺกริสฺสามิ.
ทุติยมฺปิ อาวุโส สงฺฆํ ปวาเรมิ ทิฏเฐน วา สุเตนวา ปริสงฺกายวา วทนฺตุ มํ อายสฺมนฺโต. อนุกมฺปํ อุปาทาย, ปสฺสนฺโต ปฏิกฺกริสฺสามิ.
ตติยมฺปิ อาวุโส สงฺฆํ ปวาเรมิ ทิฏเฐน วา สุเตนวา ปริสงฺกายวา วทนฺตุ มํ อายสฺมนฺโต. อนุกมฺปํ อุปาทาย, ปสฺสนฺโต ปฏิกฺกริสฺสามิ.
